പ്രശസ്ത കവിതാ ശകലങ്ങൾ

1. അനന്തമജ്ഞാതമവർണ്ണനീയം
     ഈ ലോകഗോളം തിരിയുന്ന മാർഗ്ഗം
      അതിങ്കലെങ്ങാണ്ടൊരിടത്തിരുന്നു
       നോക്കുന്ന മർത്ത്യൻ കഥയെന്തു കണ്ടു?
                     --- നാലപ്പാട്ട് നാരായണ മേനോൻ

I. ബന്ധുര കാഞ്ചന കൂട്ടിലാണെങ്കിലും
    ബന്ധനം ബന്ധനം തന്നെ പാരിൽ                                                              ----  വള്ളത്തോൾ

I. അമ്പു കൊണ്ടുള്ള വ്രണം       കാലത്താൽതികഞ്ഞിടും
കൊമ്പുകൾ ഖണ്ഡിച്ചാലും
പാദപം കിളിർത്തിടും
കേട്ടു കൂടാത്ത വാക്കാ --
മായുധം പ്രയോഗിച്ചാൽ
പൂർണ്ണമായ് ശമിക്കയില്ലൊട്ടു
നാൾ ചെന്നാൽപ്പോലും --- കുഞ്ചൻ നമ്പ്യാർ


I. ഒരു കണ്ണിർക്കണം
    മറ്റുള്ളവർക്കായ് ഞാൻ പൊഴിക്കവേ
     ഉദിക്കയാണെന്നാത്മാവി--
     ലാ യി രം സൗര മണ്ഡലം
      ഒരു പുഞ്ചിരി ഞാൻ
      മറ്റുള്ളവർക്കായ് ചെലവാക്കവേ
      ഹൃദയത്തിലുലാവുന്നു
       നിത്യ നിർമ്മല പൗർണ്ണമി
                                     --- അക്കിത്തം

1. അന്യജീവനുതകി സ്വജീവിതം
     ധന്യമാക്കുമേ വിവേകികൾ

 2. സ്നേഹമാണഖിലസാരമൂഴിയിൽ
      സ്നേഹ സാരമിഹ സത്യമേകമാം
                                      --- കുമാരനാശാൻ

    നന്മയ്ക്കുവേണ്ടി നീ നേർവഴിയിൽ നിന്നു
     ധർമ്മയുദ്ധം ചെയ്തുതോറ്റു പോയാൽ
     പോകട്ടെ ആ തോൽവി തന്നെ ജയമെന്നു
      ലോകം കടശ്ശിയിൽ സമ്മതിക്കും
                                 --- ഉള്ളൂർ

  എങ്ങു മനുഷ്യനു ചങ്ങല കൈകളി-
  ലങ്ങെന്‍ കൈയുകള്‍ നൊന്തിടുകയാ-
  ണെങ്ങോ മര്‍ദ്ദനമവിടെ പ്രഹരം
   വീഴുവതെന്റെ പുറത്താകുന്നു

                      ----    എന്‍.വി.കൃഷ്ണവാരിയര്‍